Հիմնադրամի Մասին
«Պետրոս Ալոյան» հիմնադրամը շահույթ չհետապնդող կազմակերպություն է, որը հիմնադրվել է Հայկ Պետրոսի Ալոյանի կողմից ի հիշատակ իր հոր, երկրաբանական գիտությունների դոկտոր, բնական գիտությունների ճարտարագիտական ակադեմիայի ակադեմիկոս, ԽՍՀՄ եւ Հայաստանի Հանրապետության պետական մրցանակների դափնեկիր, Պետրոս Ալոյանի անունով:
Հիմնադրամի հոգաբարձուների խորհրդի անդամներ են բարերարներ, արվեստի գործիչներ, բժշկության, իրավագիտության եւ բիզնեսի ոլորտի մասնագետներ:
«Պետրոս Ալոյան» հիմնադրամի առողջապահական ծրագրերը նպատակ ունեն բարելավել Հայաստանում ապրող երեխաների առողջությունը, ապահովելով նրանց բոլորին հավասար հնարավորություններ ստանալու բժշկական օգնություն:
2017թ. սկսած «Պետրոս Ալոյան» հիմնադրամը, Հայաստանում Լիտվայի դեսպանության և Մեդիամաքս լրատվական գործակալության հետ համատեղ, պատրաստակամություն է հայտնել ֆինանսավորել Յուրգիս Բալտրուշայտիսի անվան մրցանակը՝ «Պատմական և ճարտարապետական ժառանգության պահպանում և վերականգնում» անվանակարգում, որը շնորհվում է Երևանի Ճարտարապետության և շինարարության ազգային համալսարանի մագիստրատուրայի լավագույն ավարտական աշխատանքի համար: